IMITHETHO YENKUNDLA YOMGAQO-SISEKO
IJaji eyiNtloko yoMzantsi Afrika imisele imithetho equlethwe kwiSihlomelo ngenxa yoko, elawula imicimbi enxulumene neenkqubo zeNkundla yomGaqo-siseko ukususela ngomhla wama-29 kuMeyi yowe-1998*, oku ikwenza phantsi kwecandelo le-171 lomGaqo-siseko weRiphabliki yoMzantsi Afrika, 1996, kunye necandelo 16 lomThetho oFezekisayo weNkundla yomGaqo-siseko, 1995 (UmThetho 13 yowe-1995).
ISIHLOMELO
UKWAHLULWA KWEMITHETHO
Le mithetho yahlulwe ngale ndlela ilandelayo:
UmThetho Inkcazelo (UmThetho 1)
Icandelo 1 Inkundla (UmThetho 2)
Icandelo 11 Umntu ogcina iincwadi zerejista (UmThetho 3-4)
Icandelo 111 Umdibanisi wamalungu karhulumente (UmThetho 5)
Icandelo 1V Amaqela/imibutho(UmThetho 6-9)
Icandelo V Umcebisi ongenamkhethe, kwinkundla yamatyala (rule 10)
Icandelo V11 Imiba ekulawulo lwezobulungisa elikhethekileyo, lenkundla
UmThetho 14-17
Icandelo V111 Ukufikelela okuthe ngqo kunye nezibheno (UmThetho 18-21)
Icandelo 1X Intlawulo emiselweyo neendleko (UmThetho 22-23)
Icandelo X Amalungiselelo ezinto- yinto ezizintlobo ngentlobo
UmThetho 24-37
Umgaqo 1 Amaxwebhu
Umgaqo 2 Intlawulo emiselweyo
ULUHLU LOKUQULATHIWEYO
NGOKOKULANDELELANA KWAMANANI
UmThetho iNombolo Inkcazo
Inkcazo
Inkundla
Iiyure zokusebenza kwe--Ofisi kaRejistra
Imisebenzi egabalala, kaRejistra
Iinkonzo zenkqubo
Ukumelwa kwamaQela/kwemiButho
Ukutshintshwa kwamaQela
Ukungenelela kwamaQela kwiiNkqubo
Igunya elisemthethweni lokumela omnye umntu kwimicimbi yakhe
Umcebisi ongenamkhethe kwinkundla yamatyala
Inkqubo yokufaka isicelo
Izicelo ezingxamisekileyo
Ingxoxo
Ukuthunyelwa kwetyala
Ukwamkeleka komThetho ngokomGaqo-siseko
Ukuvunywa/ukuqinisekiswa komyalelo wokungabikho semthethweni ngokomGaqo-siseko
Ukuqinisekiswa komgaqo-siseko wamaphondo
Ukuba nokufikelela ngqo
Izibheno
Inkqubo kwizibheno
Ulwazi olwengezekileyo omalunikezelwe kwiRejistra
Irhafu yeendleko nentlawulo yamagqwetha
Imali ehlawulelwa inkundla
Ithala leencwadi
Ukuguqulela kwezinye iilwimi
Imizekelo yokubonisa. Iidayagram kunye nemiboniso
Ukurhoxiswa kwamatyala
Ukumila nobuchule bamaxwebhu
Ukusetyenziswa/ukubekeleleka kwemithetho ethile yemiThetho eFanayo
Ukusetyenziswa kwamacandelo athile omThetho weNkundla ePhakamileyo
Amaxwebhu agcinelwe ukurwebesha izinto eziyinyaniso ezinokusetyenziswa
Ukungathotyelwa kwemithetho
Ulwabiwo: Icandelo 3 lomThetho wokuFezekisa weNkundla yomGaqo-siseko, 1995
Amalungiselelo exesha lenguqu
Ukurhoxiswa kwemithetho
Ungquzulwano/ impikiswano kokubhaliweyo
Isihloko esifutshane
ULUHLU NGOKOKULANDELELANA KOONOBUMBA
Inombolo yomThetho Umcimbi/Intloko
Olunye ulwazi olongezekileyo oluza kugqithiselwa kuRejistra
Umcebisi ongenamkhethe enkundleni yomThetho
Izibheno
Ukusetyenziswa kwemithetho ethile kwimiThetho eFanayo
Ukusetyenziswa kwamacandelo athile omThetho weNkundla ePhakamileyo, 1959
Inkqubo yokusetyenziswa
Ingxoxo
Ukujikwa kwamaQela
Inkundla
Ukuqinisekiswa komgaqo-siseko wamaphondo
Ukuvunywa/ukuqinisekiswa komyalelo wokungabikho semthethweni ngokomgaqo-
siseko
Ukwamkeleka komThetho ngokomGaqo-siseko
Iinkcazelo
Ukuba nokufikelela ngqo
Amaxwebhu agcinelwe izinto eziyinyaniseo ezinokusetyenziswa
Ulwabiwo: Icandelo 3 lomThetho wokuFezekisa weNkundla yomGaqo-siseko, 1995 (UmThetho 13 wowe-1995)
Imali ehlawulelwa inkundla
Ukumila nobuchule bamaxwebhu
Ukungenelela kwaMaqela kwiinkqubo
Ithala leencwadi
Imizekelo yokubonisa, iidayagram kunye nemiboniso
Ukungathotyelwa kwemithetho
Igunya elisemthethweni lokumela omnye umntu kwimicimbi yakhe
Inkqubo ekubheneni
Ukurhoxiswa kwemithetho
Ukuthunyelwa kwetyala
Ukumelwa kwaMaqela
Iinkonzo zenkqubo
Isihloko esifutshane
Irhafu yeendleko nentlawulo yamagqwetha
Amalungiselelo enguqu
Ukuguqulela kwezinye iilwimi
Izicelo ezingxamisekileyo
Ukurhoxiswa kwamatyala
Inkcazelo
Kule mithetho nalo naliphi na igama okanye intetho elinikwe intsingiselo kumGaqo-
siseko, liya kuba naloo ntsingiselo de kube kanti kukwenye imeko ebonisa nto yimbi/eyenye ingxelo efungelweyo? ibandakanya isiqinisekiso okanye isibhengezo esicamngcwe kwicandelo le-7 lomThetho wowe-1963 weeJaji zoXolo kunye nooGunyaziwe bokuFungisa, (UmThetho 16 wowe- 1963);
faka? kuthetha ukufakwa kwesaziso sesindululo, ze u-?ukufakwa? abe nentsingiselo ekwafanayo nale;
IJaji eyiNtloko? ithetha iJaji eNkulu yoMzantsi Afrika emiselwe ngokuhambelana necandelo 174 lomGaqo-siseko;
inkundla? ithetha iNkundla yomGaqo-siseko eyasekwa ngecandelo 166(a) lomGaqo-siseko, funda ngokuqulathwe ku16 (a) kuluhlu lwezinto zoLungiselelo/uYilo lomGaqo-siseko;
imini/umhla wenkundla? uthetha naluphi usuku ngaphandle koMgqibelo, iCawe okanye iholide kawonke-wonke, kwaye ziintsuku zeNkundla kuphela eziya kubandakanywa kubalo ngekhompyutha lalo naliphi ixesha eliboniswe kwiintsuku ezimiselwe yile mithetho okanye ezimiselwe nanguwuphi na umThetho weNkundla;
ISekela leJaji eyiNtloko? lithetha iSekela Jaji eyiNtloko emiselwe kwicandelo 174 yomGaqo-siseko;
imigaqo/ulawulo? ithetha imigaqo enikwa yiJaji eyiNtloko ngokumayela neenkqubo emazilandelwe ekuqhutyweni nakulawulo lwamatyala;
ijaji? itheha ijaji okanye ibambelalejaji yeNkundla emiselwe phantsi kwecandelo 174 okanye 175, lomGaqo-siseko, echophela okunye kunenkundla evulekileyo;
iziko lamancedo omThetho? lithetha iziko umsebenzi owenziwayo wemfundo yabafundi abakwisebe lemfundo lomThetho kwi-Yunivesithi ezikwiRiphabliki, kwaye zibandakanya iziko lomThetho ezilawulwa ngumbutho ongenzi ngeniso, elinikeza uluntu ngeenkonzo zomThetho ezisimahla kwaye liqinisekiswe njengoko kucamngcwe kwicandelo 3 (f) lomThetho wamaGqwetha, 1979 (UmThetho 53 wowe-1979);
ummeli womThetho? uthetha igqwetha elivunyiweyo ngokwecandelo 3 lomThetho wokuVunywa / ukwaMkelwa kwamaGqwetha amakhulu, 1964 (UmThetho 74 wowe-1964) okanye igqwetha elivunywe ngokuhambelana necandelo 15 lomThetho wamaGqwetha, 1979 (UmThetho 53 wowe-1979):
iqela? okanye naluphi na usingiselo kundimangele lubandakanya ummeli womThetho ovela egameni leqela, ngolo hlobo imeko inokube ifuna ngalo;
uMongameli? uthetha uMongameli weNkundla ePhakamileyo yeZibheno;
uRejistra? uthetha uRejistra weNkundla kwaye ubandakanye naliphi na ibambela leRejistra yeNkundla, okanye xa bengekho, nawuphi na umntu okhethwe nguMlawuli weNkundla;
intloko yamapolisa kwisithili? ithetha umntu owonyulwe/omiselwe ngokwecandelo 2 lomThetho weziKhulu zamaPolisa, 1986 (UmThetho 90 wowe-1986) kwaye ubandakanya umntu okhe5thwe ngokuhambelana necandelo 5 okanye icandelo 6 laloo mThetho njengebambela okanye isekela lesikhulu samapolisa, ngokwahlukahlukeneyo, kunye nesikhulu samapolisa , ibambela okanye isekela sikhulu samapolisa esimiselwe ngokuhambelana nomThetho ongekarhoxiswa ligunya elinobuchule elisemagunyeni nje emva kokuqalisa ukusebenza komGaqo-siseko, nakuyiphi na indawo eyinxalenye yommandla wesizwe;
Imithetho yenkundla ePhakamileyo yeziBheno? ithetha imithetho elawula indlela yeenkqubo zeNkundla ePhakamileyo yeziBheno epapashwe phantsi kweSaziso sikaRhulumente esingunombolo R. 1523 yowama-27 Novemba 1998; ze
Imithetho /engaguqukiyo/efanayo? ithethe imithetho elawula ukuphathwa kweenkqubo zamacandelo ngamacandelo eenkundla eziphakamileyo zamaphondo naweendawo apapashwe phantsi kweSaziso sikaRhulumente esinguNombolo R. 48 se-12 Janyuwari 1965, njengoko sihlonyelwe/silungisiwe.
Naliphi na igunya elisezandleni zeJaji eyiNtloko ngokwale mithetho, lingasetyenziswa yijaji okanye ijaji emiselwe ukwenza oko yiJaji eyiNtloko.
Naluphi usingiselo kule mithetho kwiqela ekufuneka lisayine/ lityikitye amaxwebhu luya kucaciswa njengolubandakanya usingiselo kummeli womThetho welo qela,, kwaye usingiselo kumaxwebhu ezimangalo kuRejistra njengokubandakanya iinkonzo zangaphambili zamaxwebhu alolo hlobo kwamanye amaqela nokufaka iikopi ezingama-25 zawo onke amaxwebhu afanelekileyo kwanenguqulelo zoku ezibhalwe ngoomatshini abasebenza ngombane ezisebenzisana kakuhle noluhlu lweenkqubo olufakwa kwikhompyutha, nkqubo ezo ezisetyenziswa yiNkundla yamatyala, kunye neRejistra.
Izaziso, imigaqo okanye olunye unxibelelwano ngokwale mithetho, zinganikwa okanye zithunyelwe ngeposi yerejista okanye ifeksi kungenjalo ngekopi yalo naluphi uhlobo lwematshini esebenza ngombane: Ngaphandle kokuba isaziso okanye unxibelelwano olulolunye uhlobo lunikezelwe ngekopi ebhalwe ngomatshini osebenza ngombane, iqela elinika eso saziso okanye unxibelelwano, kufuneka zisuka nje, luthumele kuRejistra ikopi yesaziso okanye unxibelelwano, ebhalwe ephepheni , kunye nesatifikethi esisayinwe lelo qela lunesiqinisekiso somhla wolo nxibelelwano okanye isaziso .
IJaji eyiNtloko ingawandisa umda wexesha osikiweyo kule mithetho.
Ingxoxo, iimpendulo ezibhaliweyo okanye naziphi izinikezelo ezenziwa eNkundleni ziya kwenziwa ngokucacileyo nangokufutshane.
Izicelo ziya kubhalwa ngendlela efundekayo kwaye zibe nesithuba semigca esiphindwe kabini , esitayitshiweyo kwipheha elibukhulu buyi-A4.
Ngokuxhomekeke kumThetho 5, kuya kusebenza amalungiselelo omThetho 4
wemiThetho eNgaguqukiyo/eFanayo, loo malungiselelo anezo nguqulelo zinokuthi zifuneke, kwinkonzo yayo nayiphi inkqubo yeNkundla.
ICANDELO 1
Inkundla
Kuya kubakho amaxesha amane onyaka amisiweyo kunyaka ngamnye ngolu hlobo:
Februwari ukuya kuma-31 kuMatshi, kubandakanya;
Meyi ukuya kuma-31 kuMeyi, kubandakanya;
Agasti ukuya kuma-30 kaSeptemba, kubandakanya;
Ityala lingaxoxwa ngaphandle kwexesha lonyaka elimisiweyo xa iJaji eyiNtloko iyalela njalo.
Ukuba kuthe kanti usuku olutyunjelwe ukuqala kwexesha lonyaka elimisiweyo, ayilosuku lweNkundla yamatyala, ixesha lonyaka elimisiweyo liya kuqala ngosuku lweNkundla yamatyala olulandelayo, ngokunjalo naxa usuku olutyunjelwe ukuphela kwexesha lonyaka elimisiweyo kuthe kwenzeka ukuba asilosuku lweNkundla yamatyala, ixesha lonyaka elimisiweyo liya kuphela ngomhla weNkundla yamatyala ongaphambi kwelo belimisiwe.
ICANDELO 11
Iiyure zokusebenza/ zokuvulwa kwe-ofisi kaRejistra
Kwiimeko ezikhethekileyo, uRejistra unokwamkela amaxwebhu ngeeyure ezingezozokuvulwa kwe-ofisi, kwaye unokukwenza oko xa ayalelwe yijaji.
Imisebenzi gabalala kaRejistra
Isaziso sesibheno umyalelo wenkundla osingisele nakuyiphi imeko kwiNkundla yamatyala yenye inkundla okanye elinye uxwebhu ekuqaliswa ngalo iinkqubo eNkundleni yamatyala ngokwale mithetho, iya kunonjolwa nguRejistra ngenani elilandela lonyaka lowo lifayilishwe ngawo.
Naluphi na uxwebhu oluya kufakwa emva koku kwityala elilolu hlobo okanye kwityala eliya kuthi liqhubeke libe lingumvuka weli liya kunonjolwa ngelo nani lelo qela lilifakileyo kwaye alukwamkeleka kuRejistra de libe linonjolwe ngolu hlobo.
Onke amaxwebhu asiwe kurejistra ukuba ayofayilishwa etyaleni aya kufayilishwa nguRejistra kwifayile yelo tyala.
Onke amaxwebhu ekusingiselwe kuwo kumthethwana 1 aya kuhlawulelwa ama-
R75.00 eyintlawulo yeendleko zenkundla, oku kwenziwa njengentlawulo yesitampu serevenyu: Ngaphandle kokuba umntu lowo umanelisile uRejistra ngokuhambelana nomthethwana , ukuba ulihlwempu, intlawulo yeendleko zenkundla iya kurhoxiswa nguRejistra oya kukuqaphela oko ngokukubhala kwiphepha lokuqala yolo xwebhu luchaphazelekayo.
Umntu okanye lowo umele onqwenela ukuqalisa okanye ukuchasa iinkqubo zenkundla yamatyala ozibona njengehlwempu, uya kuthi anelise uRejistra ukuba, ngaphandle kwempahla yendlu, impahla yokunxiba nezixhobo zorhwebo, loo mntu akanampahla anayo efana nomhlaba enokufikelela kwixabiso lama-R20 000 kwaye akanakuba nakho ukuhlawula eso sixa ngemali ephuma emvuzweni wakhe, ngexesha elifanelekileyo.
Apho kwenziwe khona izikhuphelo ezenziwe ngokufota, kuya kuhlawulwa intlawulo ebalulwe kumthethwana 6a. Iikopi zerekhodi zinokwenziwa nangubani oko nje oko kusenziwa kukho uRejistra.
a URejistra uya kwenza ikopi yalo naluphi na uxwebhu lwenkundla yamatyala xa enokucelwa nangowuphi umntu oko nje loo mntu enokuhlawula iindleko zenkundla yamatyala nezitampu zerevenyu ezili-R0, 50 ngesikhuphelo ngasinye esenziwe ngefoto esibukhulu bephepha okanye inxalenye yaso buyi-A4 kwaye ngentlawulo eyi-R1,00 uya kuqinisekisa angqine ukuba isikhuphelo esenziwe ngefoto siyikopi eyinyani yeso sentsusa.
b Intlawulo yeendleko zenkundla ingarhoxiswa nguRejistra kwimeko yomntu olihlwempu elingenanto ekusingiselwe kuye kwimithethwana 4 no 5.
Nanini na xa iNkundla yamatyala isenza umyalelo owazisa okanye oqinisekisa nawuphi na umThetho okanye amalungiselelo awo ukuba akavumelani noMgaqo-
Siseko phantsi kwecandelo 172 womGaqo-siseko, uRejistra kufuneka, zingegqithanga iintsuku ezili-15 emva kokwenziwa komyalelo, enze ukuba loo myalelo upapashwe kwiGazethi ukuba umyalelo unxulumene nowiso mthetho lwamaphondo.
URejistra uya kupapasha uludwe lwamatyala aza kuxoxwa, ludwe olo omaluxhonywe kwibhodi yezaziso kwisakhiwo seNkundla yamatyala zingegqithanga iintsuku ezili-15 phambi kwalo naliphi ixesha lonyaka elimiselweyo ukunceda /
ukulungiselela abameli bomThetho nokwaziswa koluntu.
Imigaqo yazo naziphi iinkqubo iya kunikezelwa kubantu abachaphazelekayo
NguRejistra zingegqithanga iintsuku ezintlanu emva kokuba inikiwe imigaqo elolo hlobo.
a URejistra uya kugcina anakekele iirekhodi zeNkundla yamatyala kwaye akayi kuvumela ukuba ziphume ngaphandle kwesakhiwo senkundla yamatyala.
b Naliphi na uxwebhu eligcinwe nguRejistra nelenziwe inxalenye yeerekhodi zeNkundla yamatyala azisayi kurhoxiswa/kususwa ngokusigxina kwiifayile zenkundla ezisemthethweni.
c Emva kokugqitywa kwezigqibo zeenkqubo eNkundleni yamatyala, naziphi na iirekhodi zentsusa namaphepha agqithiselwe eNkundleni yamatyala yiyo nayiphi inkundla eyenye ziya kubuyiselwa kuloo nkundla bezifunyenwe kuyo.
a Ukuba uRejistra ubona ngathi omnye umntu akanammeli, uya kuthumela loo mntu kwezona ofisi okanye igosa elikufutshane leKhomishini yamaLungelo aBantu kwiBhodi yoNcedo ngemiba enxulumene nomThetho, kwiziko elinceda ngezomThetho okanye nakuliphi iqumrhu okanye iziko elifanelekileyo elinokuba nomnqweno libe kwimeko yokumnceda loo mntu.
b URhulumente okanye uRejistra akayi kubanjwa ngamfanelo ngokusemthethweni, yokonakala okanye ukulahleka okwenzeke ngokunika kukaRejistra uncedo ngokunyanisekileyo kuloo mntu kwiinkqubo eziseNkundleni okanye ekunyanzelisweni komyalelo ngokuhambelana nemithetho yokunika uncedo ngezomThetho okanye ekwenziweni ngendlela okanye ukulungiselela nayiphi na inkqubo okanye uxwebhu.
ICANDELO 111
UMHLANGANISI WAMALUNGU KARHULUMENTE
Inkonzo yenkqubo
Nakuwuphi na umba, ukubandakanya nasiphina isibheno, apho kukho uxambuliswano ngokufaneleka ngokomGaqo-siseko kwawo nawuphi umThetho okanye ulawulo olulawulayo okanye oluphetheyo okanye ulawulo olusemngciphekweni okanye umThetho wolawulo okanye ulawulo, okanye nakuluphi uphando ngokufaneleka ngokomGaqo-siseko sawo nawuphi na umThetho kudibene nawo nawuphi umThetho wePalamente okanye owowiso mthetho wamaphondo, kunye negunya elijongene nomThetho olawulayo okanye ophetheyo okanye ulawulo okanye ukuba semngciphekweni kwalo okanye ukuba ukulawula kwawo nawuphi umThetho ololo hlobo awubizwanga enkundleni yamatyala njengobandakanyekayo etyaleni, icala elicel?umngeni ngokufaneleka nokungafaneleki ngokomGaqo-siseko kwaloo mthetho okanye ulawulo, kufuneka, zingaphelanga iintsuku ezintlanu emva kokufakwa kuRejistra, koxwebhu oluqulathe loo mbambano luvelisiwe okokuqala kwiinkqubo zeNkundla yamatyala, kuthathwe amanyathelo okudibanisa igunya elichaphazelekayo njengecala elichaphazelekayo kwiinkqubo. Akukho myalelo uya kwenziwa yiNkundla yamatyala owazisa umThetho ololo hlobo, ulawulo okanye umThetho, ukuba awuhambelani nomGaqo-siseko kwimeko elolu hlobo ngaphandle kokuba umThetho uthotyelwe.
ICANDELO 1
AMAQELA
Ukumelwa kwamaqela
Ngaphandle kwalapho iNkundla yamatyala okanye iJaji eyiNtloko inike umyalelo ongomnye, akukho mntu uya kuba nelungelo lokuvela enkundleni endaweni yelinye iqela nakuyiphi inkqubo yeNkundla yamatyala ngaphandle kokuba unelungelo lokuvela kwinkundla ephakamileyo.
Ukutshintshwa kwamaQela
Ukuba omnye welinye icala kungenzeka afe okanye angabi nakho kwaphela ukuqhubeleka neenkqubo, iinkqubo ziya kumiswa de kube konyulwe ummeli ogunyazisiweyo okanye umntu ofanelekileyo endaweni yalowo ungenakuqhubeleka, okanye de kuphele ukungabi nakumelana neenkqubo.
Apho umntu ogunyazisiweyo okanye umntu ofanelekileyo athe wonyulwa khona,kungafakwa isicelo kwiNkundla yamatyala, esiyalela ukuba loo mntu ugunyazisiweyo okanye ufanelekileyo makabambele lowo uswelekileyo okanye ongenakumelana neenkqubo.
Ukungenelela kwamaQela kwiiNkqubo
Nawuphi umntu onelungelo lokungenelela njengecala/iqela okanye ofanele ukuba abandakanywe kwiinkqubo angathi ngokwazisa onke amaqela achaphazelekayo, nakuliphi inqanaba leenkqubo, afake isicelo sekhefu sokungenelela njengecala / iqela. INkundla yamatyala okanye iJaji eNkulu inganika umyalelo ololo hlobo yakufumana isicelo eso, idibanise nawuphi umyalelo weendleko ze inike imiqondiso efunekayo, ngendlela eziza kuhamba ngayo izinto kwiinkqubo.
Igunya elisemthethweni lokumela omnye umntu kwimicimbi yakhe
Igunya elisemthethweni lokumela omnye umntu kwimicimbi yakhe lifanele ukuba lifayilishwe, kodwa igunya legqwetha okanye lowo uligcisa kwezomThetho lokuba limele naliphi icala, kufuneka, zingegqithanga iintsuku ezingama-21 emva kokwazi kwalo naliphi icala, ngokumelwa kwalo lelo gcisa lezomThetho, okanye ngesindululo seNkundla yamatyala ngesizathu esivakalayo esiboniswe nanini na phambi kwesigwebo, sibe siyachaswa ngesaziso/ isindululo, ekuya kuthi emva koko igcisa lezomThetho lingabi saqhubeka nokumela, ngaphandle kokuba kufakwe kuRejistra igunya elisemthethweni lokumela omnye umntu kwimicimbi yakhe, zingaphelanga iintsuku ezingama-21 zokuphuma kwelo gunya.
Naliphi na igunya elisemthethweni lokumela omnye umntu kwimicimbi yakhe elifakiweyo liya kusayinwa ngu- okanye egameni lalowo ulifakayo kungenjalo liya kufezekiswa ngokomThetho.
Akukho gunya elisemthethweni lokumela omnye umntu kwimicimbi yakhe, ekuya kufuneka ukuba lenziwe nangubani egameni likaRhulumente.
ICANDELO 
Umcebisi ongenamkhethe kwinkundla yamatyala
Ngokuxhomekeke kule mithetho, nawuphi na umntu onomdla nakuwuphi umcimbi ophambi kweNkundla yamatyala, ngemvume ebhaliweyo yawo omabini amaqela kumcimbi ophambi kweNkundla yamatyala, lingekapheli ixesha elibalulwe kumthethwana , angamkelwa njengomcebisi ongenamkhethe enkundleni yamatyala ngokwemimiselo nemigqaliselo kunye namalungelo kunye namalungelo awodwa njengoko kunokuvunywa ngokubhalwe phantsi ekho onke amaqela eNkundleni yamatyala okanye njengoko kunokuyalelwa yiJaji eyiNtloko ngokomthethwana .
Imvume ebhaliweyo ekusingiselwe kuyo kumthethwana 1 iya kufakwa kuRejistra, zingekapheli iintsuku ezintlanu emva kokuba ifunyenwe, ze ummeli ongenamkhethe enkundleni, ukongeza nakuwaphi na amalungiselelo angamanye, athobele amaxesha ekuvunyelenwe ngawo ngokufakwa kwengxoxo ebhaliweyo.
IJaji eyiNtloko inokwenza isilungiso kwizigqibo, iimeko, amalungelo namalungelo awodwa ebekuvunyelwene ngawo njengoko kusingiselwe kumthethwana .
Ukuba ayikafunyanwa imvume ekusingiselwe kuyo kumthethwana 1, nabani na onomdla kumcimbi ophambi kweNkundla yamatyala, angafaka isicelo kwiJaji eyiNtloko, sokuba amkelwe njengommeli ongenamkhethe enkundleni, kwaye iJaji eyiNtloko ingasivuma isicelo esilolo hlobo ngokuxhomekeke kwizigqibo neemeko kwakunye namalungelo kwanamalungelo awodwa ngokubona kwakhe ukuba kufanelekile na.
Ukuba kuthe kanti imida yexesha ayimiselwanga kwimigaqo enikwe kuloo mcimbi, isicelo esingqinelana namalungiselelo akumthethwana siya kwenziwa zingaphelanga iintsuku ezintlanu emva kokuba zifakiwe ingxoxo ezibhaliweyo zommangalelwa okanye emva kokuphela kwexesha lokufaka ingxoxo elolo hlobo.
Isicelo sokwamkelwa njengommeli ongenamkhethe enkundleni siya:
a kuchaza ngokufutshane okungumdla wommeli ongenamkhethe enkundleni kwiinkqubo; ze siphinde b sichonge ngokufutshane uluvo omalwamkelwe kwiinkqubo, ngummeli ongenamkhethe enkundleni yamatyala; ze c abeke izingeniso eziza kuqhutyelwa phambili ngummeli ongenamkhethe kwinkundla yamatyala, ukufaneleka kwabo kwiinkqubo nezizathu zakhe zokukholelwa ukuba izingeniso ziya kuba luncedo eNkundleni yamatyala ziya kwahluka kwezo zamanye amaqela.
Ummeli ongenamkhethe enkundleni yamatyala unelungelo lokufaka ingxoxo ebhaliweyo, ukuba loo ngxoxo ibhaliweyo umbandela osel?uchatshazelwe kwingxoxo yamanye amaqela kwaye ivuselela imbambano entsha enokuba lulutho kwiNkundla yamatyala.
Ngokuhambelana nokukumThetho 31, ummeli ongenamkhethe enkundleni yamatyala uya kuba nomda kwirekhodi yesibheno okanye ekugqithiselweni kwayo kunye neemeko ezifumaneke zivunyiwe kwezinye iinkqubo kwaye akayi kongezelela futhi engenakwenza ingxoxo ngomlomo.
Umyalelo ogunyazisa ukwamkelwa njengommeli ongenamkhethe enkundleni yamatyala iya kubalula umhla wokufakwa kwengxoxo ebhaliweyo yommeli ongenamkhethe enkundleni yamatyala okanye nwuphina omnye umba ofanelekileyo.
Umyalelo weNkundla yamatyala ophethe umba weendleko ungawenza amalungiselelo okuhlawulwa kweendleko ezenzeke okanye ezisisiphumo sokungenelelela kommeli ongenamkhethe enkundleni yamatyala.
Kuya kusebenza amalungiselelo omThetho 1 3, onezilungiso ezifanelekileyo ngokubona kommeli ongenamkhethe enkundleni yamatyala.
ICANDELO V1
IZICELO
Inkqubo yezicelo
Ngaphandle kwalapho kukho amalungiselelo, nakuwuphi umba apho kufuneka kwenziwe isicelo sayo nayiphi injongo, kubandakanya-
a malunga nomba ocamngcwe kwicandelo 1674 womGaqo-siseko, kunye b nokufunyanwa kolawulo/ inkcazelo kwiNkundla yamatyala, isicelo esilolo hlobo siya kwaziswa ngesaziso sesindululo esixhaswe yingxelo efungelweyo malunga neenyaniso okanye izinto ezenzekileyo athembele ukufumana ngazo umtyhi, umfaki sicelo/ ummangali kwaye uya kubeka idilesi engekude kuma-25 eekhilomitha ukusuka kwi-ofisi yeRejistra echaza idilesi yasekuhlaleni neyeposi kunye neenombolo zefeksi, ezefowuni kwanedilesi ye-e-mail, xa ngabe zikhona, apho aya kwamkela khona isaziso nawo onke amaxwebhu athunyelwayo, akwiinkqubo kwaye uya kubeka usuku, olungekho ngaphantsi kweentsuku ezintlanu emva kokuthunyelwa kwawo kummangalelwa, okanye ngomhla okanye phambi kokuba ummangalelwa lowo acelwe ukuba azise ummangali ngokubhala phantsi ukuba ingaba unenjongo kusini na sokuchasa okanye ukuphikisa eso simangalo kwaye uya kuchaza ukuba xa oko ukuba isaziso esilolo hlobo asinikwanga, uRejistra uya kucela kucelwa ukuba abeke lo mcimbi phambi kweJaji eyiNtloko ukuze uphathwe ngokuvumelana nomthethwana 4.
Xa kubangwa uncedo/isiqabu emntwini, emthethweni, kwigunya, kurhulumente, ilungu likarhulumente okanye iqumrhu, okanye apho kufanelekileyo ukunika nasiphi isaziso sesimangalo esikhankanywe ngaphambili ekubhekiswe kuso kumthethwana , isaziso sesindululo siya kubhekiswa kuRejistra kunye nalowo ukhankanyiweyo ngaphambili, kwaye uya kwazisa iinkcukacha ezibandakanya idilesi yokuhlala, ifeksi, iinombolo zefowuni kunye nedilesi ye-i-meyile, xa zikhona, zaloo mntu kufunwa kuye isiqabu/ umtyhi, ngohlobo oluya kwenza ukuba uRejistra abe nokunxibelelana naloo mntu, kungenjalo iya kuthunyelwa kuRejistra kwaye iya kusondela kangangoko ekuhambelaneni noXwebhu 1
okanye 2, njengoko imeko inokufuna.
a Nawuphi na umntu ochasene nokunikwa komyalelo ofunwa kwisaziso sesindululo uya-
i kwazisa umfaki sicelo kunye noRejistra, ngokubhala phantsi iinjongo zakhe zokuchasa isimangalo kwaye uya kuthi kweso saziso achonge idilesi ekumgama wama-25 eekhilomitha ukusuka kwi-ofisi kaRejistra apho aya kwamkela khona isaziso kunye nawo onke amaxwebhu athunyelwayo kwiinkqubo, lingaphelanga ixesha elinikwe kwisaziso;
ii zingaphelanga iintsuku ezili-15 emva kokwazisa umfaki sicelo, ngenjongo yakhe yokuphikiswa kwesicelo, azise ubungqina bakhe obuyimpendulo, oku kuhamba nawaphi amaxwebhu afanelekileyo xa ngabe akhona, anokubandakanya ubungqina obufungelweyo obuxhasayo.
b Umfaki sicelo angafaka impendulo ngobungqina obufungelweyo zingaphelanga iintsuku ezili-10 zokuthunyelwa kuye kobungqina obufungelweyo namaxwebhu ekusingiselwe kuwo kumhlathi (a) (ii).
c i Apho kungafakwanga khona isaziso sokuchasa okanye apho kungekho mpendulo ebubungqina obufungelweyo ngokokungqinelana nomhlathi (a)
ii Apho kufakwe khona ubungqina obufungelweyo obuyimpendulo, uRejistra uya kuthi thaca isicelo phambi kweJaji eyiNtloko phambi kokuba zigqithe iintsuku ezintlanu bufakiwe ubungqina obufungelweyo okanye, xa kungafakwanga bungqina bufungelweyo obuyimpendulo, zingegqithanga iintsuku ezintlanu zokuphela kwexesha elimiselwe kumhlathi (b).
d IJaji eyiNtloko ingathi, xa inika imiyalelo phantsi komthethwana 4 , ivumele ukufakwa kobungqina obubobunye.
Xa isicelo sithiwe thaca phambi kweJaji eyiNtloko ngokomthethwana 3 c, iya kunika imiyalelo ngendlela emasiphathwe ngayo isicelo, ingakumbi, ukuba ingaba siza kuphathwa ngendlela yokulungiselela kwaso ukuxoxwa kwetyala okanye, ingaba siza kujongwa ngokukwingxoxo ebhaliweyo okanye ngokufutshane ngokweenkcukacha eziqulethwe kubungqina obufungelweyo.
Izicelo ezingxamisekileyo
Kwizicelo ezingxamisekileyo, iJaji eyiNtloko ingakhupha kunye namaxwebhu neenkonzo ezinikezelweyo kule mithetho kwaye inganika imiyalelo yokuba umcimbi kungajongwana nawo ngexesha nangendlela engqinelana nenkqubo, eya kuthi ingqinelane kangangoko nale mithetho, njengoko kufanelekile.
Isicelo esingokomthethwana 1 siya kuthi ngokwaziswa kwesindululo, sikhatshwe bubungqina obufungelweyo obubeka ngokucacileyo iimeko ezigwebela/ ezithethelela ukuphum?ecaleni kwiinkqubo eziqhelekileyo.
Ingxoxo
Ingxoxo ebhaliweyo iya kufayilishwa ngexesha. Iya kuphatha uludwe lokuqulathiweyo, kwanoludwe lamagunya ngokusingisele kumaphepha akuxwebhu ekucatshulwe kuwo.
Ingxoxo ezenziwa ngomlomo aziyi kuvunyelwa ukuba iJaji eyiNtloko iyalele njalo.
a Ingxoxo eyenziwa ngomlomo iya kunxulumana/ kuphathelela kwimiba ephambi kweNkundla yamatyala kwaye ixesha eya kulithatha liya kuba phantsi kwemida esikiweyo yexesha njengokubekwa yiJaji eyiNtloko.
b Amaqela aya kuthatha ngokuba zonke iJaji ziyifundile ingxoxo ebhaliweyo nokuba akukho sizathu sokuphinda oko kubekwe kuyo.
a Ingxoxo inokubhekiswa eNkundleni yamatyala ngalo naluphi na ulwimi olusemthethweni kwaye ukufumaneka kwetoliki asilo xanduva lalowo ingxoxo inxulumene naye okanye ingaye.
b Xa kunokwenzeka ukuba ubani afune ukuthetha eNkundleni yamatyala ngolwimi engasilulo ingxoxo yakhe ibhalwe ngalo, kolindeleka ukuba loo mntu afake isaziso esibhaliweyo kuRejistra senjongo yakhe yokusebenzisa ulwimi olulolunye, atsho elukhankanya olo lwimi . Oku makakwenze kwisithuba seentsuku ezisixhenxe phambi kokuxoxwa kwalo mba ubandakanyekayo.
Ngokwesindululo esenziwa yiNkundla yamatyala, okanye ngokwesicelo somnye okanye amaqela angaphezu kwesinye, iNkundla yamatyala ingayalela ukuba amanye amatyala amabini okanye angaphezu kwesibini, abandakanya oko kubonakala kuyimibuzo efanayo okanye enxulumeneyo, axoxwe kunye njengetyala elinye okanye ngendlela apha etyunjiweyo.
ICANDELO V11
IMICIMBI EKULAWULO OLUKHETHEKILEYO/ OLULODWA LWEZOBULUNGISA BENKUNDLA YAMATYALA
UkuPhunyezwa komThetho oYilwayo
Ukuphunyezwa komThetho oYilwayo ngokwecandelo 79 4 b okanye 121 2 bwomGaqo-siseko nguMongameli weRiphabliki yoMzantsi Afrika okanye
YiNkulumbuso yePhondo, ngokokufaneleka kwemeko, kuya kwenziwa ngokubhala phantsi kwaye kubhekiswe kuRejistra nakwiGosa elisisiThethi elichophela inkqubo yePalamente nakuSihlalo weKhansile yelizwe yamaPhondo, okanye kwiGosa elisisiThethi elichophela inkqubo kwiNdlu yoWiso-mthetho yelo phondo libandakanyekayo.
Ukuphunyezwa okulolu hlobo kuya kucacisa-
a Ilungiselelo okanye amalungiselelo omThetho oYilwayo ngokunxulumene nokuba nokuzibamba kukaMongameli weRiphabliki yoMzantsi Afrika okanye kwenkulumbuso yePhondo;
b amalungiselelo avumelana nomGaqo-siseko okanye amalungiselelo anxulumene nokubamba izimvo okulolo hlobo; kunye c nomhlaba okanye izizathu zoko kubamba izimvo/ uluvo.
Amaqela opolitiko amelweyo kwiPalamente yesizwe okanye kuwiso-mthetho
LePhondo oluchaphazelekayo, xa kufaneleke njalo, aya kuba nelungelo lokufaka isicelo esibhaliweyo esinxulumene nokuqinisekiswa komba ngexesha elimiselweyo kwimiyalelo ephantsi komthethwana .
Ekufunyanweni kwesiphumezo, umcimbi uya kuphathwa ngokuhambelana nokungqinelana nemiyalelo enikwe yiJaji eyiNtloko, enokubandakanya umyalelo-
a ocela isiThethi esichophela imicimbi ePalamente esifanelekileyo okanye uSihlalo weKhansile yeLizwe yamaPhondo, njengoko imeko inokuba ifuna, ukuba sinike iinkcukacha ezengezekileyo xa iJaji eyiNtloko ibona kufaneleke njalo okanye uncedo lokujongwa komcimbi; noku-
b bizela epalamente okanye kwiNdlu yoWiso-mthetho yePhondo elichaphazelekayo, onke amaqela opolitiko anomdla, anokuba nomnqweno wokwezna izicelo ezibhaliweyo ezingqinelana nokuqinisekiswa komba ngexesha eliya kumiselwa kuloo myalelo.
Ukuhambelana komThetho nomGaqo-siseko
Isicelo ngokongqinelana necandelo 80 1 lomGaqo-siseko, esenziwa ngamalungu ePalamente yeSizwe okanye uWiso-mthetho wamaphondo, liya kufakwa kwisaziso sesindululo sixhaswe bubungqina obufungelweyo malunga neembambano athembele kuzo abafaki sicelo/abamangali ukufumana umtyhi kwaye siya kufakwa kuRejistra ze sithunyelwe kwiSithethi sePalamente yeSizwe ze, apho kufaneleke khona, uSihlalo weKhansile yeSizwe yamaphondo, okanye iSithethi seNdlu yoLawulo mThetho yePhondo elichaphazelekayo, njengoko kunokufaneleka.
Isaziso siya kucela iSithethi kunye noSihlalo weKhansile yeLizwe yamaPhondo, xa kufaneleke njalo, ukuba bazise isicelo ukuze sijongwe ngawo onke amaqela opolitiko amelweyo kuloo Palamente okanye kwindlu yowiso mthetho. Oku makwenziwe ngokubhalwa phantsi zingegqithanga iintsuku ezintlanu emva kokugqithiselwa kwesicelo kuye.
Isicelo ekusingiselwe kuso kumthethwana 1 siya kukhatshwa sisiqinisekiso esivela kwiSithethi sendlu yowiso mthetho echaphazelekayo, ukuba iimfuno zecandelo 80 (a) okanye icandelo 122 (a) lomGaqo-siseko zizalisekisiwe.
Isicelo ekusingiselwe kuso kumthethwana 1 uya kucacisa-
a ilungiselelo okanye amalungiselelo omThetho ocelwa umngeni;
b ilungiselelo okanye amalungiselelo omGaqo-siseko afanelekileyo ekuthenjelwe kuwo ngomngeni ololu hlobo;
c imihlaba ekubonakala amalungiselelo ahlukeneyo enokungquzulana khona;
kunye d umtyhi/ ukuphunyuzwa okufunwayo, kubandakanya nomtyhi wethutyana.
zeso sicelo zenjongo yokuphikisa kwaye kweso saziso, uya kukhetha idilesi apho elo qela okanye urhulumente aya kwamkela isaziso nawo onke amaxwebhu akwiinkqubo zetyala.
c Ukuba isaziso esilolu hlobo sinikiwe, isicelo siya kulahlwa ngokokungqinelana namalungiselelo omThetho 11.
Ukuba isaziso sokuchasa asifakwanga ngokungqinelana nomthethwana 5, umcimbi uya kuchithwa nemiyalelo enikwe yiJaji eyiNtloko, oku kunokubandakanya umyalelo-
a efuna ezinye iinkcukacha ezongezelelweyo ngokokubona kufaneleke njalo, kweJaji eyiNtloko okanye uncedo lokuhlangabezana nomcimbi; kunye b nokuba onke amaqela opolitiko anomdla, kwiPalamente yesizwe okanye kwindlu yolawulo yephondo, echaphazelekayo, anomnqweno wokwenza njalo, afake izicelo ezibhaliweyo ezingqinelanayo nokumiselwa kombandela, lingaphelanga ixesha elibekwe kuloo myalelo.
Ukuqinisekiswa kokungabikho semthethweni komyalelo
IRejistra yenkundla yamatyala eyenze isiqinisekiso sokungabikho semthethweni komyalelo njengoko kucamngciwe kwicandelo 172 lomGaqo-siseko, iya kufaka kwiRejistra yeNkundla yamatyala ikopi yalowo mthetho, zingaphelanga iintsuku ezili-15 zaloo mthetho.
Umntu okanye ilungu likarhulumente elinelungelo lokwenza njalo nelinqwenela ukubhena ukuphikisana naloo mthetho ngokungqinelana necandelo 172 (d) lomGaqo-siseko,liya kufaka isaziso sesibheno kuRejistra kunye nekopi yaso kuRejistra wenkundla yamatyala ekhuphe umyalelo, ekuya kuthi ke umcimbi ulahlwe ngokungqinelana nemiyalelo enikwe yiJaji eyiNtloko. Oku makwenziwe zingegqithanga iintsuku ezili-15 wokwenziwa kwalo myalelo.
Umbheni uya kuthi kwisaziso sokubhena esilolu hlobo, acacise kwangoko imihlaba esiza ngayo isibheno, abonise ukuba ziziphi izinto ezikhoyo eziphandiweyo okanye umThetho ekubhenwa kuwo nomyalelo ekusukuzwana nawo kufanele ukuba ube wenziwe.
Umntu okanye ilungu likarhulumente elinelungelo lokwenza njalo okanye elinqwenela ukufaka isicelo sesiqinisekiso somyalelo ngokungqinelana necandelo 172 (d) lomGaqo-siseko, liya kufaka isicelo sesiqinisekiso esilolo hlobo kuRejistra kunye nekopi yaso kuRejistra wenkundla eyenze umyalelo, apho ke umcimbi uya kuthi ulahlwe ngokungqinelana nemiyalelo enikwe yiJaji eyiNtloko, oku kusenziwa zingaphelanga iintsuku ezili-15 wenziwe umyalelo ololu hlobo.
Ukuba akufakwanga saziso okanye isicelo njengoko sicamngcwe kwimithethwana 2 no- 4 ngokulandelelanayo, lingegqithanga ixesha elibekiweyo, umcimbi wokuqinisekiswa komyalelo wokungabikho semthethweni, uya kuchithwa ngokungqinelana nemiyalelo enikwe yiJaji eyiNtloko.
Ukuqinisekiswa komgaqo siseko wamaphondo
ISithethi sendlu yowiso mthetho yephondo elililo elipasise okanye elilungise umgaqo siseko ngokungqinelana namacandelo 142 no- 144 omGaqo-Siseko nelinqwenela ukuba loo mgaqo siseko okanye isilungiso esenziwe kuwo, siqinisekiswe yiNkundla yamaTyala, liya kuqinisekisa ngokubhala, okuqulathwe kumgaqo siseko okanye isilungiso esipasisiweyo yindlu yowiso-mthetho yephondo ze siwufake loo mgaqo-siseko okanye isilungiso sawo kuRejistra uhamba kunye nesicelo esisemthethweni ngokwecandelo 144 lomGaqo-siseko.
Isiqinisekiso esicamngcwe kumthethwana 1 siya kubandakanya ingxelo ecacisa ukuba umgaqo-siseko okanye isilungiso sawo sipasiswe luninzi olukunekayo.
Naliphi na iqela lopolitiko elimelweyo kwindlu yowiso- mthetho yephondo liya kuba nelungelo lokwenza ingxoxo ngomlomo kwiNkundla yamatyala, ukuba elo qela lopolitiko linokucelwa ukuba lifake icebo eNkundleni yamatyala, ngaphambi kwengxoxo eyenziwa ngomlomo.
Sakufunyanwa isicelo ekubhekiswe kuso kumthethwana 1, umcimbi uya
Kuchithwa ngokuhambelana nemiyalelo enikwe yiJaji eyiNtloko, enokubandakanya :
a ukugqithiselwa kwiSithethi esinguSihlalo wePalamente ukongeza ezinye iinkcukacha ngokokubona kufanelekile kweJaji eyiNtloko okanye icebo/
uncedo lokuphatha umcimbi;
b kuya kunikwa umyalelo ocacisa ixesha ekufuneka kufakwe ngalo izindululo ezibhaliweyo ezivela kumaqela opolitiko anomdla;
c umyalelo wokuba naziphi na izindululo ezibhaliweyo ezenziwe ngokungqinelana necandelo (b), mazaziswe kwamanye amaqela opolitiko kwindlu yowiso mthetho yephondo, ngendlela efanelekileyo ngokokubona kwejaji eyiNtloko.
Umyalelo wenkundla yamatyala ongqinelana necandelo 144 lomGaqo-siseko, lingacacisa amalungiselelo omgaqo- siseko wamaphodo okanye izilungiso kumgaqo- siseko, xa zikhona, ezithobela nezo zingawuthobeliyo umGaqo-
siseko.
ICANDELO V111
UKUFIKELELA NGQO KUNYE NEZIBHENO
Ukufikelela ngqo
Isicelo sokufikelela ngqo njengoko kucamngcwe kwicandelo 167 6a lomGaqo-
siseko siya kuziswa kwisaziso sesindululo, esiya kuxhaswa bubungqina obufungelweyo esiya kundulula izinto ezenzekileyo aqamele nathembele ngazo ummangali ekufumaneni isiqabu/umtyhi.
Isicelo ngokungqinelana nomthethwana 1 siya kufakwa kuRejistra ze sigqithiselwe kuwo onke amaqela anomdla ngokuthe ngqo/ngqalileyo okanye umdla omkhulu kakhulu kumtyhi obangwayo ze abeke-
a imihlaba ekusukuzwana kuyo wokuba kunikwe ilungelo lokufikelela ngqo, nelisemdleni wobulungisa;
b uhlobo lwesiqabu esifunwayo nemihlaba ekusekelwe kuyo ukufunwa kwaso;
c ukuba ingaba umcimbi lo unokuqwalaselwa yiNkundla yamatyala bungakhange buviwe ubungqina bomlomo ze, ukuba abunakuviwa, d bungaveliswa njani ubungqina obulolo hlobo ze kusonjululwe njani ukungqubana kwezimvo.
Naliphi na iqela okanye umntu onomnqweno wokuphikisa isicelo, liya kwazisa umfaki sicelo kunye neRejistra ngokubhala phantsi injongo yalo yokuchasa.
Liya kukwenza oku zingaphelanga iintsuku ezili-10 emva kokufakwa kweso sicelo.
Emva kokuba uRejistra efumene eso saziso senjongo yokuchasa okanye apho kugqithe khona ixesha lokufakwa kwesaziso, umcimbi uya kuchithwa ngokungqinelana nemiyalelo enikwe yiJaji eyiNtloko ebandakanya-
a umyalelo oyalela abamangalelwa ukuba bafake izicelo ezibhaliweyo eNkundleni yamaTyala zokuba ingaba mayinganikwa okanye inikwe kusini na imvume yokufikelela ngqo. Oku makwenziwe ngexesha elibekiweyo;
okanye b umyalelo obonisa ukuba akukho mfuneko yokufakwa kwezindululo okanye ubungqina obufungelweyo.
Izicelo zokufikelela ngqo maziphathwe ngokushwankathelayo, kungadanga kwenziwa ngxoxo yamlomo okanye ebhaliweyo ngaphaya kwaleyo iqulethwe kwisicelo ngokunokwaso: Ngaphandle kokuba ummangalelwa ubonise injongo yakhe yokuphikisa ngokomthethwana , isicelo sokuba nokufikelela ngqo siya kunikwa kuphela emva kokuthotyelwa kwamalungiselelo omthethwana .
Izibheno
Inkqubo ebekwe kulo mthetho iya kulandelwa sisicelo sokubhenela kwiNkundla yamaTyala apho isigqibo somcimbi onxulumene nomGaqo-siseko, ngaphandle komyalelo wokungabikho semthethweni phantsi kwecandelo 172 (a) lomGaqo-
siseko, sinikwe yiyo nayiphi na inkundla yamatyala kubandakanya neNkundla ePhakamileyo yeziBheno, kwaye kungakhathalelwanga nokuba uMongameli usikhabile na isicelo sokubhena.
UNdimangele ohlungisiweyo sisigqibo senkundla nonqwenela ukubhenela sona ngqo eNkundleni yamatyala kwimeko yomGaqo-siseko uya kufaka isicelo sokubhena kuRejistra zingaphelanga iintsuku ezili-15 somyalelo ekubhenelwa ukuphikisana nawo nasemva kokunika isaziso kulowo okanye abo babandakanyekayo: Ngaphandle kokuba uMongameli weNkundla ePhakamileyo yeziBheno usalile isicelo sokubhena apho ke ixesha elimiselweyo kulo mthetho liya kuqala ukususela ngomhla womyalelo ochasa isicelo sokubhena.
Isicelo ekubhekiswe kuso kumthethwana 2 siya kusayinwa ngumfaki sicelo okanye ngummeli wakhe wasemthethweni kwaye siya kuqulatha-
a isigqibo esichaswayo nomhlaba wokuphikiswa kweso sigqibo;
b Inkcazo ebeka ngokucacileyo nangokufutshane umcimbi womgaqo- siseko ophakanyiswe kwisigqibo; nayo nayiphi imiba engeminye kubandakanya imiba etyholwa ngokunxulumana nesigqibo somcimbi womGaqo-siseko;
c ulwazi olwengeziweyo olulolo hlobo okanye ingxoxo njengoko umfaki sicelo abona kufanelekile ukuba lwaziswe eNkundleni; ne-
d ngxelo ebonisa ukuba ingaba umceli usifakile na isicelo okanye unenjongo yokufaka isicelo sokubhena kwenye inkundla, ze ukuba kunjalo:
i kuyiphi inkundla;
ii ingaba isicelo esilolo hlobo sixhomekeke eNkundleni ukuba saliwe; ne-
iii ziphumo zeso sicelo, ukuba ziyaziwa ngexesha lokufaka isicelo eNkundleni.
a Ummangalelwa okanye abamangalelwa mabaphendule kwisityholo ngokubhala phantsi babonise ukuba ingaba siyaliwa okanye asaliwa kusini na isicelo sokubhena, ze ukuba kunjalo kuboniswe imihlaba yokukhatywa kwaso.
Oku makwenziwe zingegqithanga iintsuku ezili-10 ukususela kumhla ekufakwe ngawo isicelo ekubhekiswe kuso kumthethwana .
b Impendulo iya kusayinwa ngummangalelwa okanye abamangalelwa okanye ummeli wakhe wasemthethweni.
a Ummangalelwa okanye abamangalelwa abanqwenela ukufaka isibheno esichasana nesabamagali eNkundleni yamaTyala malunga nomcimbi womGaqo-siseko baya kufaka kuRejistra isicelo sokufaka isibheno esiphikisayo, zingaphelanga iintsuku ezili-10 ukususela ngomhla wokufakwa kwesicelo kumthethwana .
b Kuya kusebenza amalungiselelo ale mithetho ngokumalunga nezibheno, kunye nezilungiso ezingabe ziyafuneka, kwizibheno ezichasa ezinye.
a INkundla iya kwenza izigqibo zokuba isamkele okanye ingasamkeli isicelo sombheni sokubhena.
b Abafaki zicelo zokubhena bangaphathwa ngamazwi ambalwa, kungadanga kwamanyelwa ingxoxo eyenziwe ngomlomo okanye ebhaliweyo ngaphandle kwaleyo iqulathwe kwisicelo ngokunokwaso.
c Inkundla inokuyalela ukuba lowo ufake isicelo sokubhena makahlaliselwe ingxoxo futhi iyalele ukuba ingxoxo yamaqela ebhaliweyo ayiphathi kuphela umba wokuba isicelo sokubhena masinikwe na, koko sijonga nokufaneleka kwempikiswano. Amalungiselelo omThetho 20 uya kusebenza kwinkqubo eza kulandelwa kwiinkqubo ezilolu hlobo, oku kusenziwa izilungiso ezifanelekileyo.
Inkqubo yokubhena
Ukuba imvume yokubhena inikiwe ngomThetho 19, ngulowo ubhenayo uya kuqaphela ze atshutshise isibheno ngolu hlobo lulandelayo:
a Umbheni uya kulungisa ze afake irekhodi yesibheno kuRejistra lingaphelanga ixesha elibekwe yiJaji eyiNtloko kwimiyalelo yalo.
b Ngokuxhomekeke kumalungiselelo omthethwana c apha ngasezantsi, irekhodi yesibheno kuqulatha isigwebo senkundla apho siqatshelwe khona isibheno, kunye nobungqina obukumaxwebhu obufakwe kuloo nkundla ngamaqela kunye nabo bonke ubungqina obunokuba bebuvezwe enkundleni nobunokuhambelana nemiba eza kumiswa.
c i Amaqela aya kuzama ukufikelela kwizivumelwano zoko emakubandakanywe kwirekhodi kwaye, xa singekho isivumelwano esilolo hlobo, umbheni uya kufaka isicelo kwiJaji eyiNtloko, semiyalelo emayinikwe ngokunxulumene nokuhlanganiswa kwerekhodi.
ii Izicelo ezilolo hlobo ziyakwenziwa ngokuzibhala phantsi kwaye ziya kubonisa uhlobo lwembambano ephakathi kwamaqela malunga nokuhlanganiswa kweerekhodi kunye nezizathu zembambano.
iii Ummangalelwa angaphendula kwisicelo zingegqithanga iintsuku ezili-10 emva kokugqithiselwa kwesimangalo kuye kwaye uya kubeka izizathu zembambano zommangalelwa.
iv IJaji eyiNtloko inganika isimangalo kwijaji enye okanye kwiijaji ezingaphezu kwesinye, ezingahlangabezana nalo mcimbi emaphepheni okanye zicele amaqela ukuba avele phambi kwazo ngosuku olubekiweyo nexesha elibekiweyo ukuxoxa ngokuhlanganiswa kwerekhodi.
v Ijaji okanye iijaji ezichaphazelekayo ziya kunika imiyalelo malunga nokuhlanganiswa kwerekhodi, amanqam exesha eza kufakwa ngalo irekhodi kuRejistra kunye nayo nayiphi na imicimbi anokuyibona yena okanye bona ifanelekile ngenjongo yokulungiselela ukuba iNkundla ikwazi ukuhlangabezana nesibheno, miyalelo leyo enokubandakanya ukuba umcimbi ubuyiselwe umva enkundleni ukuya kumanyelwa kobungqina obengezelelweyo obubalulwe kwimiyalelo okanye ubungqina obengezelelweyo buthiwe thaca phambi kweNkundla ngendlela yobungqina obufungelweyo okanye ngenjongo yesibheno.
a Enye yeekopi zerekhodi ezifakwe kuRejistra iya kuqinisekiswa njengelungileyo nguRejistra wenkundla ekubhenwa kuyo.
c Amaxwebhu abonakala cace abetayitshwa okanye eshicilelwe ngokucacileyo ngobume bawo bemveli njengeetshekhi namanye alolo hlobo akanakuphinda achwethezwe/ atayitshwe ndaweni yoko kuya kunikwa iikopi ezifotiweyo kwiphepha elimlinganiselo uyi-A4.
d Amaphepha aya kunonjolwa ngamanani ngokucacileyo nangokulandelelanayo kwaye wonke umgca ongoweshumi kwiphepha ngalinye liya kunonjolwa ngenani kwaye kuya kugcinwa kangangoko, indlela yokubhala amanani emaphepheni esetyenziswa enkundleni yamatyala.
e Iirekhodi ezinkulu kakhulu ziya kwahlulwa zibe yimiqulu emlinganiselo
Ulungileyo/ ufanelekileyo wamaphepha ali-100 umnye. Irekhodi iya kubotshwa ngohlobo lokuthunga incwadi ukuze umelane nokusetyenziswa rhoqo, iya kubotshwa ithungwe ngohlobo lokuba iya kuthi xa isetyenziswa ihlale ivulekile kungakhange kwenziwe kwanto.
f Zonke iirekhodi ziya kubotshwa ngemiphandle yencwadi efanelekileyo ebonisa inombolo yetyala, amagama abandakanyekayo, inombolo yomqulu namanani amaphepha akuloo mqulu, inani lilonke lemiqulu, inkundla kunye namagama amagqwetha amaqela.
g Ukubotshwa okufunwa ngulo mthetho buya kuqiniswa ukuqinisekisa uzinzo lwamaphepha aqulathwe emqulwini: kwaye apho irekhodi ethwele ngaphezulu komqulu omnye, inani lomqulu ngamnye kunye nenani lamaphepha asemqulwini liya kuvela kumantla esinye esithathwini somqolo womqulu.
h Apho amaxwebhu afakwe kuRejistra, kwaye amaxwebhu alolo hlobo agcinwe kwicwecwe lekhompyutha, lowo ufaka uxwebhu uya kuthi, xa kunokwenzeka, alungiselele ukuba uRejistra alifumane icwecwe eliqulathe ifayile apho umqulu ukhoyo, okanye agqithisele nge- e-mail ikopi yoxwebhu elichaphazelekayo eyenziwe ngomatshini osebenza ngombane/
Ngaphandle kokuba ukugqithiswa kwekopi elolo hlobo akuyi kunika luncedo
Kwimbophelelo zecala elibandakanyekayo phantsi komThetho ukuba lifake inani elikhethiweyo leekopi ezingamaphepha zamaxwebhu afakiweyo.
i Ukuba icwecwe lekhompyutha lenziwe laba nokufunyanwa nguRejistra, ifayile iya kukhutshelwa/ kukotshwa ze icwecwe libuyiselwe kulowo ubandakanyekayo. Kwimeko apho kunikezelwe icwecwe okanye ikopi yomatshini osebenza ngombane yoxwebhu olungeyo rekhodi, iqela linokufaka kuRejistra iikopi ezili-13 kuphela zoxwebhu oluchaphazelekayo.
Ukuba irekhodi ifakwe ngokungqinelana namalungiselelo amacandelo b no-c omthethwana , uRejistra uya kwenza ukuba kunikwe isaziso emasinikwe amaqela kwisibheno, esifuna-
a ukuba umbheni afake kuRejistra ingxoxo ebhaliweyo exhasa isibheno lingaphelanga ixesha elimiselwe yiJaji eyiNtloko ecaciswe kweso saziso; ze b ummangalelwa afake ingxoxo ebhaliweyo kuRejistra eyimpendulo yengxoxo yombheni ungegqithanga umhla otyunjiweyo omiselweyo yiJaji eyiNtloko, oya kulandela umhla eyayi nikezelwe ngawo ingxoxo yombheni kummangalelwa.
Umbheni unokufaka kuRejistra ingxoxo ebhaliweyo eyimpendulo yengxoxo yombheni zingaphelanga iintsuku ezili-10 ukususela ngomhla eyanikelwa ngawo ingxoxo yommangalelwa kumbheni.
IJaji eyiNtloko ingathatha izigqibo zokuba isibheno kujongwane naso ngokwengxoxo ebhaliweyo kuphela na
Kuxhomekeke kumalungiselelo omthethwana 5, iJaji eyiNtloko iya kubeka umhla ekuya kumanyelwa ngawo ingxoxo eyenziwa ngomlomo, kwaye iRejistra iya kwazisa onke amaqela esibheno ngomhla wetyala, oko ekwenza ngeposi eqinisekisiweyo okanye ifeksi. Oku akwenze zingaphelanga iintsuku ezintlanu wazisiwe umhla wetyala.
Inkcukacha ezongezelelweyo emazinikezelwe kuRejistra
Xa isicelo sokuphunyezwa komThetho wokungahambelani nomGaqo-siseko okanye isaziso sokubhena ukuphikisana nalo mthetho, sifakwe kuRejistra ngokomThetho 16, okanye isicelo sokubhena sifakwe ngokungqinelana nomThetho 19, umfaki sicelo okanye umbheni kwangaxesha nye, uya kunika uRejistra inqaku-
a elibeka ubude berekhodi, okanye ukuba irekhodi, okanye ukuba kuthe kanti irekhodi inobungqina obungekabhalwa, uthelekelelo lobude berekhodi kunye nexesha elifunekayo ukukhuphela ngokubhala;
b ukuba ingaba kukho iimeko ezikhethekayo ezinokufuna ukuxoxwa kwetyala okuya kuthatha ngaphezu kosuku olunye okanye ezihambelanayo nemiyalelo eza kunikwa yiJaji eyiNtloko.
ICANDELO 1X
INTLAWULO NEENDLEKO
Ukurhafiswa kweendleko nentlawulo yamagqwetha
Imithetho 17 nowe-18 yeNkundla ePhakamileyo yeMithetho yeziBheno
Ngokubhekiselele kwirhafu kunye neentlwulwa ezikhutshwa kumagqwetha, iya kusebenza, nezilungiso ezinokufuneka.
Kwimeko yengxoxo eyenziwa ngomlomo okanye ebhaliweyo, intlawulo yengxoxo ebhaliweyo, kwiimeko ezifanelekileyo, ingavunyelwa njengendaba eyohlukileyo.
Intlawulo zeNkundla
Ukongeza kwintlawulo zeNkundla ezimiselwe kule mithetho intlawulo ezikwicandelo 2 iya kuba yintlawulo yenkundla ahlawulwa nezitampu zengeniso yerhafu.
Izigqibo ezimiselweyo kumThetho 44 ziya kusebenza, kunye nezilungiso okanye iinguqulelo ezinokufuneka.
ICANDELO X
AMALUNGISELELO EENTLOBO NGEENTLOBO
Ithala leencwadi
Ithala leeencwadi leNkundla liya kufumaneka ukuba lisetyenziswe ziijaji, abasebenzi baseNkundleni nabanye abantu abanemvume kanoncwadi ngenjongo yophando olunxulumene nomGaqo-siseko.
Ithala leencwadi liya kuvulwa ngamaxesha ekukho iimfuno ezifanalekileyo ezinokufunwa yiNkundla kwaye ukusebenza kwalo kuya kulawulwa yimithetho eyenziwe yiKomiti yethala leencwadi leNkundla ngokucebisana nejaji eyiNtloko.
Uguqulelo
Xa nayiphi irekhodi okanye uxwebhu olufakwe kuRejistra luqulathe okubhalwe ngolwimi olusemthethweni olungaziwayo zizo zonke iijaji, uRejistra uya kwenza ukuba isahlulo saloo rekhodi okanye iirekhodi ezichaphazelekayo ziguqulelwe ngumguquleli ofungisiweyo weNkundla ePhakamileyo, kulwimi okanye kwiilwimi eziya kuqondwa zezo jaji, ze kunikwe amaqela achaphazelekayo iikopi zolo guqulo.
Imifuziselo, iidayagram nemiboniso
Imifuziselo, iidayagram nemiboniso yezinto eziyinxalenye yobungqina obuthathwe etyaleni baze beziswa eNkundleni ukuze buhlolwe, buya kubekwa elugcinweni lweRejistra iintsuku ezili-10, ubuncinane, phambi kokuba liviwe ityala okanye lifakwe.
Yonke imifuziselo, iidayagram nemiboniso yoko kubekwe elugcinweni lweRejistra, iya kususwa ngabo bachaphazelekayo zingaphelanga iintsuku ezingama-40 emva kokugqitywa kwetyala.
Xa oku kungenziwanga, uRejistra uya kwazisa iqela elichaphazelekayo ukuba lisuse amanqaku ngoko nangoko ze ukuba awasuswa phambi kweenyanga ezintandathu emva koko, iRejistra iya kuwatshabalalisa okanye iwachithe ngendlela efanelekikeyo.
Ukurhoxiswa kwamatyala
Xa kuthe kwenzeka ukuba onke amaqela, nangaliphi ixesha leenkqubo zomThetho, afake isivumelwano esibhaliweyo kuRejistra sokuba ityala malirhoxiswe, ebalula iindlela zokuhlawulwa kweendleko kunye nentlawulo emayenziwe kuRejistra zayo yazo naziphi iimali ezifanele ukuhlawulwa, uRejistra uya kungenisa olo rhoxiso, ukuba iJaji eyiNtloko iyalele njalo, apho ke inkundla ayinakube iphinde ibanjwe ngaloo mcimbi.
Ukumila nobukhulu bamaxwebhu
Lonke uxwebhu olungaphezu kwamaphepha ali-15 luya kuba noludwe lokuqulathiweyo olunonxulumaniso olulungileyo, kungajongwanga indlela yokuphindwa kabini.
Lonke uxwebhu ekuvalweni kwalo, luya kuphatha igama lomntu okanye ummeli wakhe oligqwetha , idilesi yeposi neyasekuhlaleni, inombolo yefeksi, yefoni nedilesi ye- e-mail, xa zikhona, ze uxwebhu lwentsusa lusayinwe ngumntu lowo okanye igqwetha lakhe.
a IRejistra ayiyi kwamkela ukufakwa kwalo naliphi uxwebhu olunikezelwe lukwimo engayithobeliyo le mithetho, kodwa iya kuyibuyisela kulowo wonileyo okanye osileleyo ibonisa iimeko apho kubekho ukusilela ukuthobela: Ngaphandle kokuba iikopi ezintsha nezifanelekileyo zifakwe ngokutsha zingaphelanga iintsuku ezintlanu emva kokufumana isaziso esibhaliweyo, isingeniso esinjalo asiyi kuthathwa njengesishiywe lixesha.
bUkuba iNkundla ifumanisa ukuba amalungiselelo ale mithetho akathotyelwanga, inganyanzelisa isohlwayo, ngokusebenzisa ingqiqo yayo.
Ukusetyenziswa kwemithetho ethile yemiThetho engaTshintshiyo
Le mithetho ilandelayo yemiThetho engaTshintshiyo eya kusebenza kwiinkqubo zeNkundla, nezilungiso ezinokuba zifanelekile.
INombolo yomThetho Isihloko
 ukuya ku-6 ukudityaniswa kwamaqela ekusetyenzisweni neminye imiba enxulumene noko
Izilungiso kwizibongozo namaxwebhu
 Ukufunyanwa, ukuhlolwa nokuphuhliswa kwamaxwebhu
 ukuya ku-38 Ukufumana ubungqina ukulungiselela ityala
Ukutshintsha nokurhoxiswa kwamatyala
Abaguquleli abafungisiweyo
Ukutolikwa kobungqina
Ukufayilishwa, ukulungiselelwa nokuhlolwa kwamaxwebhu
Ukungqinela ubunyani bamaxwebhu asayinwe ngaphandle kwemida yeRiphabliki yoMzantsi Afrika
Ukutshatyalaliswa kwamaxwebhu
Ookhomishini/ ooGunyaziwe beNkundla
Ukusetyenziswa kwamacandelo athile omThetho weNkundla ePhakamileyo
La macandelo alandelayo omThetho weNkundla ePhakamileyo, 1959 UmThetho 59 wowe-1959, aya kusebenza kunye nenguqulelo ezifanelekileyo, kwiinkqubo zamatyala eNkundleni, ngokungathi ziyimithetho yenkundla yawo.
ICandelo Isihloko bis Ukubalelwa kwemicimbi ethile ukuba iphandwe ngumlawuli
Amagunya eNkundla ekuphulaphuleni/ ekuvavanyeni izibheno
Ukuhlolwa ngabagocagoci kwabantu ababungqina babo bufunwa kumatyala amalungelo
Indlela yokusebenza ngezigunyaziso, iincwadi zezicelo kunye namaxwebhu enkonzo avela kumazwe angaphandle. La malungiselelo aya kusebenza xa kufakelwe ibinzana ?naluphi na ulwimi olusemthethweni ? endaweni yesiNgesi okanye isiBhulu.
Amaxwebhu afakelwe ukuphicotha izinto eziyinyani
Nawuphi na umntu nakuyiphi inkqubo yetyala kwiNkundla yamatyala njengommeli ongenakhethe enkundleni ovunywe ngokufanelekileyo yiNkundla nakuyiphi inkqubo yetyala uya kubanelungelo, kumaxwebhu afakwe kuRejistra ngokungqinelana nale mithetho, ukuba aphicothe izinto eziyinyani ezihambelana nokufunyaniswa kwemiba ephambi kweNkundla nengaveli ngokukodwa kwirekhodi: Ngaphandle kokuba ezo zinto ziyinyani-
a zingunobangela oqhelekileyo okanye azinakuphikiswa; okanye b zikwimeko esemthethweni, yenzululwazi, yobuchwepheshe nakwimeko yamanani aqokolelweyo ukwenza lula ukuqinisekiswa.
Onke amanye amaqela aya kuba nelungelo, kwixesha elivunyelwe yile mithetho ukuba aphendule kuxwebhu olulolu hlobo, ukuvuma, ukukhanyela, ukuphikisa okanye ukucacisa kwizinto eziyinyani kangangoba kufuneka kukwafanelekile ukuze kwenziwe izigqibo ezifanelekileyo yiNkundla.
Ukungathobeli imithetho
INkundla okanye iJaji eyiNtloko inga-:
ngandisa okanye inciphise ixesha elimiselweyo kule mithetho kwaye inokukuxolela ukungathobeli ngale mithetho, ngokubona kwabo okanye ngokusebenza nangokubonisa isizathu esaneleyo; noku-
nika imiyalelo kwimicimbi yokusebenza, yenkqubo nokuchithwa kwaso nasiphi na isibheno, isicelo okanye umcimbi ongomnye njengokubona kweNkundla okanye iJaji eyiNtloko.
Ukukhutshwa kwemiyalelo/ Isigwebo: Icandelo 3 lomThetho oFezekisayo weNkundla yomGaqo-siseko, 1995 (UmThetho 13 wowe-1995)
Imiyalelo yeendleko zeNkundla iya kukhutshwa kwinkundla kamantyi ngale ndlela ilandelayo:
Le miyalelo yeendleko iya kuba nefuthe lesigwebo samalungelo enkundla kamantyi ze lowo umyalelo wendleko wenzelwe inzuzo yakhe uya kuthathwa njengotyalwayo sisigwebo ze lowo umyalelo wenzelwe ukuphikisana naye athathwe ngengotyala isigwebo.
Kwimeko apho umyalelo wendleko ungathotyelwanga, lowo ugwetyelweyo uya kufaka kuRejistra ubungqina obufungelweyo obubeka phandle iinkcukacha zomyalelo weendleko nezichaza ukuba umyalelo wendleko awuthotyelwanga okanye awuthotyelwanga ngokuphelelyo, ngaloo ndlela kufaneleke ngayo, kunye nesixa esingekahlawulwa, ze acele uRejistra ukuba amnike ikopi eqinisekisiweyo yaloo myalelo wendleko.
Emva kokuhlola ifayile echaphazelekayo yeNkundla ngenjongo yokuqinisekisa okuqulathwe kubungqina obufungelweyo, uRejistra uya kunika lowo kusingiselwe kuye kumthethwana ikopi eqinisekisiweyo yomyalelo wendleko kwaye uya kurekhoda oko kunika kwifayile yeNkundla.
Lowo kubhekiselwe kuye kumthethwana 2 uya kufayilisha le kopi kuthethwa ngayo kumabhalana wenkundla yamalungelo yommandla ahlala kuwo, aqhuba kuwo ishishini okanye aqeshwe kuwo.
Umyalelo ololu hlobo uya kukhutshwa ngokungqinelana namalungiselelo omThetho weNkundla kaMantyi, 1944 (UmThetho 33 wowe-1994), kunye nemiThetho yeeNkundla zeeMantyi epapashwe phantsi kwesaziso sikaRhulumente esingu-R.1108 sikaJuni 1968, njengoko sifakelwe, malunga namagunya okugweba ngokuchasene nempahla/ izinto umntu anazo ezithathekayo nezingathathekiyo/ezingashukumiyo nokunikezelwa kwemiyalelo yomvuzo yokuthimba kunye nemiyalelo yokuthimba imali kuphela.
Amalungiselelo egqithayo
Xa ixesha labelwe nayiphi na injongo okanye isizathu ngokwale mithetho, kwaye elo xesha bekufanele ukuba liqale ukuqhuba phambi kokuqaliswa kwalo mithetho, ixesha elilolo hlobo liya kuqala ukubalelwa kuphela ngomhla wokuqalisa ukusebenza kwale mithetho.
Ukurhoxiswa kwemithetho
Imithetho yeNkundla yoMgaqo- Siseko ebifudula ipapashwa iya kurhoxiswa ngomhla wokuqala ukusebenza kwale mithetho: Ngaphandle kokuba nayiphi imiyalelo enikwe ngokubhalwa ehambelana neenkqubo eziza kulandelwa ekumiseleni imbambano okanye umba kumatyala asele eqalisiwe, iya kuhlala isebenza, ngaphandle kokuba irhoxiswe ngokubhalwa yiJaji eyiNtloko.
Ungquzulwano kokubhaliweyo
Uyilo lwale mithetho lwalubhalwe ngesiNgesi kuqala ze lwaguqulelwa kuzo zonke iilwimi ezisemthethweni. Ngenxa yeso sizathu, xa kunokuthi kubekho imbambano, kuya kusebenza ingxelo yesiNgesi.
Isihloko esifutshane
Le mithetho iya kubizwa ngokuba yimiThetho yeNkundla yomGaqo-siseko, ka-2003.
Uludwe lweenkqubo 1 ? AMAXWEBHU
Isaziso sesindululo (kuRejistra)
Isaziso sesindululo (kuRejistra nommangalelwa)
UXWEBHU 1
ISAZISO SESINDULULO
kuRejistra
KWINKUNDLA YOMGAQO-SISEKO YOMZANTSI AFRIKA
Inombolo yetyala????
Ummangali
Qaphela ukuba lo mmangali obizwe apha ngasentla ufaka isicelo eNkundleni, somyalelo ngokwale ndlela ilandelayo:
ukuba ubungqina obufungelweyo buka ???????????? obu buhlonyelwe apha, buya kusetyenziswa ukuxhasa oku.
Nceda ubeke lo mcimbi phambi kweJaji eyiNtloko ukuba ujongwe ngokungqinelana nomThetho 11 .
Ummangali okanye igqwetha
KuRejistra weNkundla ebizwe apha ngasentla.
UXWEBHU 2
ISAZISO SESINDULULO
kuRejistra noMmangalelwa
KWINKUNDLA YOMGAQO-SISEKO YOMZANTSI AFRIKA
Inombolo yetyala???..
Ummangalelwa
Qaphela ukuba u???????????? (obizwa apha njengommangali) unenjongo zokufaka isicelo somyalelo kule Nkundla (a)???.. (b)??? (c)???.. (apha obeka kusaqalwa nje indlela yomyalelo ocelwayo) nokuba ubungqina obufungelweyo obukhapha u????. buya kusetyenziswa ukuxhasa oku.
Qaphela kwakhona ukuba ummangali ukhethe u-????????????. (Idilesi ebekwe apha) njengedilesi aya kwamkela kuyo isaziso nenkonzo yokuqhubeka kwazo zonke iinkqubo zetyala.
Qaphela futhi ukuba ukuba ngaba unenjongo zokuphikisa esi simangalo uyacelwa ukuba (a) wazise igqwetha lommangali ngokulibhalela ngomhla okanye phambi ??????.(umhla) (b) zingaphelanga iintsuku ezili-15 emva kokuba unike isaziso senjongo yakho yokuchasa isimangalo ukufayilisha ubunqina obufungelweyo obuyimpendulo yakho, xa ngaba bukhona; kwaye kwakhona uyacelwa ukuba ukhethe idilesi oya kwamkela kuyo isaziso nenkonzo yawo onke amaxwebhu kwezi nkqubo zetyala.
Ukuba akukho njongo yokuchasa inikiweyo, ummangali uya kucela uRejistra ukuba abeke umcimbi phambi kweJaji eyiNtloko ukuze kujongwane nawo ngokuhambelana nomThetho 11 .
Ummangali okanye igqwetha
Ummangalelwa
Idilesi
Uludwe lweenkqubo 2
INTLAWULO/ IMALI EHLAWULWAYO
Ukufakwa kwaso nasiphi isicelo (ngaphandle koxwebhu lokuqala) 10.00
Ukufakwa kobungqina obufungelweyo obuyimpendulo (nganye) 10.00
Ukufakwa kwesaziso sokubhena okanye sokubhena ukuphikisa ngesibheno 15.00
Umyalelo weNkundla onika imvume yokubhena 15.00
Intlawulo yerhafu yawo nawuphi umcimbi 25.00
